《炉石战记》Best of Hong Kong W1 冠军牌组介绍－中速圣
导读:大家好，今日会继续为大家讲解上星期赢左第一个星期《 炉石战记 》Best of Hong Kong比赛嘅选手阿Kin嘅牌组－中速圣。牌组配置阿Kin呢套牌组相当
大家好，今日会继续为大家讲解上星期赢左第一个星期《 炉石战记 》Best of Hong Kong比赛嘅选手阿Kin嘅牌组－中速圣。
牌组配置
阿Kin呢套牌组相当有趣，同佢对战嘅对手好有可能会比佢一开始铺场嘅情况呃到，因为佢开幕起手嘅大部分卡牌都係鱼人为主嘅，喺情况许可下有机会只需要用前段嘅鱼人攻击套路就可以将对方收头，而Kin嘅呢个设计，亦都会令对手焦点重心放左喺思考点样处理佢嘅鱼人，将佢嘅速攻攻势打压。但咁样正正落入左Kin嘅战术套路入面，其实佢呢套牌组并唔係单靠鱼人「无脑冲面」嘅，鱼人只係其中一个攻击手段，各种手下同法术牌间嘅能力配合先係呢套卡牌嘅精髓之处。
水晶线来讲呢套牌组可谓相当之平均，低费高费嘅卡牌平均卡牌、逆风嘅情况唔太容易出现，Kin更在比赛中曾顺利以一系列嘅顺风式鱼人铺场攻击打出T6 Kill击败对手。而呢套牌组由於鱼人只喺算其中一种嘅套路，所以大大减低左一般快攻牌组对上有大量AOE或者嘲讽系手下牌组嘅尷尬情况。大家可以喺牌组列表中睇得到，基本上除左增强手下强度嘅王者祝福同剑龙骑术之外就再无其他法术牌，一般圣骑牌组嘅主流解场法术卡组合－一视同仁同奉献都无放入牌组，而且一啲补牌手段嘅卡牌如愤怒之锤、神恩术等都无落，选择左以纯手下硬解，呢个想法其实都相当有趣。除此之外，武器方面亦都放弃左一般拥有回血能力，攻击力不错嘅真银勇士剑，而选择振奋之刃。希望可以令拥有六张圣盾术嘅手下得到更完美嘅发挥，往往最唔起眼嘅正义保卫者会成为一个不错嘅输出手段；传说手下维克弗烈?燃鬃亦有可能得到一个小加强可以帮英雄回到3点嘅血量呢！
卡牌组合分析Kin呢套牌嘅变化真係非常多，属於一套可以应对大部分Meta嘅赛场牌组。小编呢度唔再晒版位同大家分析鱼人手下嘅组合，相信大家都唔会陌生。小编想提嘅係加攻加防效果嘅应用。
首先要讲嘅係夺尸者同维克弗烈?燃鬃。两款手下都有生命窃取，配合王者祝福、剑龙骑术、鈷蓝逆鳞龙人、骸骨战马等拥有加攻的能力效果嘅卡牌，往往可以回復大量嘅英雄血量，对於减低左被速攻或者打脸迅速斩杀嘅机会。
另一方面，守日者塔林姆同风暴看守者，亦都成为左牌组入面一个唔错嘅攻坚手。守日者塔林姆除左可以消除左对方有加攻或成匹类手下嘅压力之外，属有3/7身材嘅佢往往喺后期会带来意想不到嘅惊喜。大家可以试諗一下，当对方正积极咁清除你场中嘅鱼人或者大怪，因为守日者塔林姆嘅血量偏高、但攻击力不高嘅情况下被视为次选清除嘅对像时，你下一个回合打出剑龙骑术再配合疯狂的錬金师一口气打出13点伤害嘅情况；又或者风暴看守者突然被骸骨战马同王者祝福等加强能力，一瞬间打出十几点，甚至一口气清空对方血量嘅情况。对方绝对唔会想象得到一套本身係鱼人速攻牌组竟然可以将斩杀线推高。给对手一个意想不到的惊喜！
小编小意见
小编睇完Kin嘅呢副牌组其实都感觉到几新奇，虽然大家可能会觉得卡牌分佈比较鬆散，有啲本身能轻易打出嘅圣骑攻击组合可能反而难出咗。但大家要注意一点，就係呢一副牌组并唔係一套爬天梯嘅卡牌，而係一套不折不扣嘅「赛场Deck」。能够可以打出多变嘅战术、能够做到迷惑同蒙骗对手，又或者可以尽量应对到更多类型嘅牌组，呢几点先係此牌组嘅价值所在。而如果要小编提供意见嘅话，小编会考虑放弃武器同针对海盗嘅葛拉卡爬行蟹而换入多张剑龙骑术或者补牌手段嘅卡，增强一下滤牌同增加组合手段嘅机会。
相关阅读
网友推荐
免责声明：本文仅代表作者个人观点，与名人汇无关。其原创性以及文中陈述文字和内容未经本站证实，对本文以及其中全部或者部分内容、文字图片的真实性、完整性、及时性本站不作任何保证或承诺，请读者仅作参考，并请自行核实相关内容。
